ganelo

, Insignis proditor, sic dictus a Wenilone seu Guenilone, voce paululum inflexa, Archiepiscopo Senonensi, qui beneficiorum a Carolo Calvo acceptorum immemor, ad partes transiit Ludovici Germanici : ex qua pessima actione labes ei æternum mansit ; ita ut insignes Proditores Ganelones vocati sint. Hinc Matth. Paris ad ann. 1216. loquens de Comite Nivernensi ait eum fuisse de Guenilonis genere proditoris ; sicut et Bara in usaticis Barcinonensibus vocatur ille, qui fidem datam non servat, ex eo quod Bera Comes Barcinon. fidem datam Ludovico Pio violaverat. Vide Marcam Hispan. lib. 3. pag. 21. Nostris, eadem acceptione, Ganelon et Guenelon. Lit. remiss. ann. 1377. in Reg. 111. Chartoph. reg. ch. 3 : L'exposant respondi : Tu mans comme faux garçon, traistre, Ganelon, et Dieu et toy le savez bien. Aliæ ann. 1357. in Reg. 89. ch. 171 : Et plusieurs autres injures en l'appellant Guenelon, traitre. Cantil. 40. tom. 2. Poem. reg. Navar. pag. 93 : Trop sont fol et mal pensant, Pis valent que Guenelon.

, Acervus lapidum antiqui cementi. Vide Chifflet. in Vesunt. inter voces Celticas.

Menu

Word wheel

ganelo

Saved

Recent