ministrales
Statuimus quod in qualibet contrata sint Ministrales, qui eligantur ad brevia a vicinis illius contrate.... et ita debeant providere predicta singulis duobus mensibus duo eorum, donec Ministrales duraverint... et debeant eligere duos guaitatores vel plures ad voluntatem vicinorum suorum, qui custodiant civitatem de nocte, et precipiant quod ipsi guaitatores bene faciant guaitam...Et paulo post :
Addimus huic statuto quod dicti Ministrales teneantur accipere bonam et ydoneam securitatem a dictis guaitatoribus de data custodia facienda per integrum annum ; et securitates ipsorum teneantur Comuni feudum restituere duplicatum ; et si securitates non essent bone, Ministrales, qui eas acceperint, teneantur Comune reservare indempne.De quibusdam aliis eorumdem officialium muneribus, vide op. cit. tom. III. pag. 747.
Et addimus quod Ministrales Nunciorum... debeant eligi ad brevia inter eos coram judice potestatis, vel ejus notario ; et predicti Ministrales debeant mutari singulis duobus mensibus, et qui semel fuerit Ministralis non amplius in eodem anno possit esse ;et tom. I. pag. 227 :
Et si ero Ministralis Nuntiorum bona fide inquiram socios meos, et scrutabor de exercitio offitii sui, et si aliquem invenero delinquentem contra suum officium potestati eodem die manifestabo, et potestas publice in consilio dicere teneatur.
Quot Ministrales habeat quelibet Societas artium et armorum, quanto durare debeant, et quando cessare.